انواع خشب الجيتار والفرق بينهم | المزيكاتي

جاهزين تعرفوا الفرق؟؟

💥

لو بتلعب جيتار و الصوت مش عاجبك او مبتعرفش تطلع صوت حلو مع اي حد بتلعب معاه او ديما بتسأل ليه صوتك مش نفس صوت الجيتاريست فلان مع انك بتلعب نفس الاغنية ؟
خلاص شكيت في ان انت اللي مبتعرفش تلعب  ؟😄

اطمن ياعم انت بس محتاج تفهم اكتر شوية عن التون بتاع الجيتار و ازاي تظبطه.✌

المزيكاتي هيساعدك النهاردة تتعلم اكتر عن انواع الخشب و الاصوات و كمان ده مفيد لو بتغير جيتار او حابب تشتري و مش عارف ازاي توصل للصوت اللي في دماغك، و برده كل الحلقات هتساعدك في تطوير صوت جيتارك و لعبك.
عشان كدة تابع الرحلة السريعة دي في البحث عن احسن تون للجيتار و تفهم اكتر عن جيتارك مع المزيكاتي.
في الحلقة دي هنجاوب على كل الاسئلة دي و هنتناقش مع بعض في كل حاجة بتدور في دماغك .. كل اللي عليك انك بس تكتب كومنت و سيب الباقي على المزيكاتي ..💪

بالإضافة لكلام المزيكاتي في الحلقة:

في أنواع تانية من الخشب دارجة و بتستخدم كتير كمان في مصرو زي ال Ash.

و النوع ده من الخشب يعتبر خفيف الوزن و بيدي صوت اقوي من ناحية ال treble.

لو مشوفتش الحلقات اللي فاتت .. ادخل على القناة واشترك عشان متفوتش حاجة تاني و يوصلك كل جديد.

و متنساش تركز في الحلقة عشان تجاوب على السؤال و تكسب الجايزة و ممكن تاخد خصومات من متاجر موسيقية مشهورة  فى مصر و ممكن كمان تطلع في الحلقة الجاية لو عايز.😉

طب يلا اربطوا احزمة جيتاراتكوا  و استعدوا للطيران مع المزيكاتي في رحلة البحث عن افضل صوت للجيتار و ازاي نتعلم و نعرف نفرق و نطلع فعلا الصوت الذهبي.

الحلقة دي هتكون من اهم الحلقات لكل المستويات حتى اللي لسة بيفكروا يلبعوا و يشتروا جيتار ، المزيكاتي هيشرح أنواع خشب الجيتار و الفرق في الصوت مابينهم عشان يساعدك انك تختار احسن حاجة ليك و تكون انت سيد قرارك و انت فاهم.

هنعرف ايه أنواع الخشب للجيتار، و كمان هنعرف الجيتار أصلا بيتكون من كام قطعة خشب و ازاي ده بيفرق في الصوت لو انت حاسس انه فرق بسيط.

أولا مكونات الجيتار من حيث الخشب: 

الجيتار بيتكون من جزئين أساسيين و هما جسم الجيتارو رقبة الجيتار ، و أحيانا الجيتار بيكون قطعة واحة موصولين ببعض.
 

1- جسم الجتار بيتكون في الاغلب من قطعة واحدة مصمتة من الخشب ، او بيكون مفرغ و ممكن يتكون من 3 قطع

2- رقبة الجيتار بتكون مكونة من نوع خشب واحد او نوعين على حسب نوع الجيتار و طبعا ده بيفرق في صوته جدا

ثانيا أنواع الخشب في الجيتار: 

طبعا أنواع خشب الجيتار كتير و مختلفة و كل نوع بيأثر بشكل كبير على تون الجيتار ، بس اشهرهم ، و الأنواع الدارجة في السوق المصر و المستخدمة بكثرة هما تقريبا 4 أنواع.

1-Mahogany

2-Alder

3-Rosewood

4-Maple

النوع الأول و هو الماهوجني يعتبر من اهم أنواع الخشب اللي بتستخدم في جسم الجيتار و بينتج صوت ضخم او عريض، و في الاغلب بيكون جسم الجيتار و رقبته متصلين ببعض لو معمولين الاتنين من خشب الماهوجني.

نروح لرقبة الجيتار و نعرف ان في أنواع جيتار بيبقى الرقبة كلها معمولة من النوع الرابع ، و أنواع تانية بتكون فيها النوعين التالت و الرابع و هنا بتكون المسطرة او خانات الجيتار هي بس اللي معمولة من الروزوود.

هنعرف برده ازاي نلعب بالايد اليمين و ازاي مكانها بيفرق في صوت الجيتار.

كل ده هتشوفوه بأمثال عشان تسيبوا مساحة لودانكوا تختار اللي تحبوه و تعرفوا ازاي تحسنوا تون الجيتار ديما و هتعرفوا ايه نوع الخشب الأقرب للصوت اللي بتحبوه.

متنسوش تكتبوا كومنتات لأي سؤال في دماغكوا عشان تتناقشوا مع المزيكاتي في كل المواضيع ، و كمان متنسوش تجاوبوا على سؤال الحلقة عشان تكسبوا جايزة البرنامج مش بس كدة وكمان خصومات من متاجر الات موسيقية  مشهورة فى مصر، و كمان انتوا تقدروا تطلعوا مع المزيكاتي في الحلقة الجاية ، كل اللي عليكوا انكوا تشوفوا الفيديو و تتبعوا كلام المزيكاتي.

استنوا ! متفكوش الحزام .. لسة الرحلة مخلصتش ..دي مجرد البداية 😉

Songs in the background are:

1- Radio

2-Boogie Man

These songs are made by James Masshi ELMAZZIKATY himself😉

Enjoy the Forth Episode👍

 

#خشب_الجيتار #الفرق_بين_الجيتارات #خشب_الجيتار

#المزيكاتى #elmayekatz #jamesmassi #boogieman #radio

#انواع_خشب_الجيتا #خشب_الجيتار #تكوين_الجيتار #الفرق_بين_الجيتارات