المزيكاتي | تسجيل باستخدام ال Multi-Effect

👤- هو انا ممكن اسجل بصوت احسن من الموبايل.

= طبعا ممكن و مش بطريقة واحدة.

👤- بس الطرق دي مكلفة جدا.

= لا مش كل الطرق مكلفة .. انت ممكن تختار اللي يناسبك.

👤- بس برده الطرق دي صعبة و مش سهلة.

=يا عم لا بسيطة لو عرفت تمشي فيها براحة.

👤-ايوة يعني بس مين هيشرحلي.

= تصدق والله عيب!!

عشان كدة انا جايلك بالتقيل ..تعالى معايا .

الحوار ده بيفكركوا بحد صح .. ممكن بيفكركوا بالناس اللي بتكسل او مبتطبقش كل جديد تعرفه..او الناس اللي مترددة تسأل في أي حاجة تساعدها..او من الاخر الناس اللي مش مع المزيكاتي 😌

يلا بينا بقى على الحلقة الرابعة من حلقات البحث عن التون الذهبى عشان نشوف الأخ اللي فوق ده و نجاوبه على كل الأسئلة.

في الحلقة الرابعة المزيكاتي هيقول 3 طرق للتسجيل بصوت كويس:

1-من ال Multi effect

2- من المساعات (Amplifier)

3-من الكومبيوتر بطريقة مباشرة من الجيتار.

اول طريقة و هي ال Multi effect.

في الطريقة دي هنستخدم software خاص بال multi effect عشان نقدر نتحكم في ال effects و نضيف أي أصوات محتاجينها.

التسجيل بيكون بجودة كويسة جدا بس محتاج انك تتبع خطوات معينة عشان تعرف تطلع الجودة المطلوبة، بالإضافة انك هتفضل تتعلم فيه ديما و تعرف اكتر و تحسن صوتك اكتر و اكتر .

ال Multi effect المستخدم في الحلقة هو Boss ME-25، ده متاح في مصر و بيكون فيه effects كتير زي الoverdireve و ال crunch و الDelay و ال reverbو صوته في التسجيل كويس جدا زي ما هتسمعوا في الحلقة، طبعا فيه حاجات اكتر و طرق استخدام ليه وو لل softwere المستخدم.. و كل ده هنعرفه بالتفصيل في حلقات جاية قدام.

شوف الحلقة عشان تعرف الخطوات البسيطة دي في وقت قليل ..و استنى باقي الطرق في الحلقتين الجايين عشان الموضوع يكون سهل و سريع عليك بدل ما يكون ممل و تقيل و كل الطرق مع بعض 😉

و متنساش لو جربت الطريقة دي تكتب كومنت تقول فيها تجربتك و كانت حلوة بنسبة قد ايه، و لو مش عجابك استنى الباقي و اكيد هيعجبوك💥

اسيبكم مع الحلقة و اول تجربة ال MULTI EFFECT :

أِشــــــــــوفــــــــكــــــــــــم بــــــــــعــــــديــــــــن

تابع المجلد الثانى 
https://bit.ly/38OplpB
تابع المجلد الاول
https://bit.ly/3gN792t

#الحلقة الرابعة 

#المزيكاتى #البحث_عن_الصوت_الذهبى #elmazekaty #jamesmassi  

#كيفية_ضبط_البيك_اب #جيتار #كيف #جيتار_اليكتريك #المزيكاتى #جيمس_ماسى #كيوبيز #فيندر #تعليم #تصليح #الصوت_الذهبى #الحلقة_الاولى #حلقات #موسيقى #صوت #هندسة_صوت #ضبط_صوت_الجيتار
#تعلم_الجيتار #elmazekaty