تسجيل باستخدام برامج الكومبيوتر | المزيكاتي

الجزء التاني وصل!!! 💥

من غير أي مقدمات الحلقة دي عشانك زي ما قولنا قبل كدة .. و الجزء ده كمان من اهم الأجزاء ليك كعازف جيتار، ليه بقى ؟

 عشان هنا هتعرف ازاي تسجل بصوت كويس بأقل سعر سواء كنت مبتدئ و عايز تبدأ بسعر بسيط و تاخد صوت و كفائة عالية، او لو كنت محترف و عايز تلعب في الصوت براحتك على الكومبيوتر بدل ما تفضل تحط في pedals و تعيش اكتر مع صوتك زي ما انت عايز.

في الجزء ده المزيكاتي هيوصل الجيتار بالكومبيوتر على طول من غير Amplifier او Multi-Effect.

 ملحوظة: لو انت لسة بتبدأ لازم تكون عارف انك محتاج تدخل الجيتار على كارت صوت ( Audio Interface )  الأول قبل الكومبيوتر عشان يتم معالجة الصوت و ترجمته الى wave.

خلاص وصلت الجيتار مظبوط ؟!

خش بقى عيش جوا ال Digital world، و تتعامل بكل المكانيات و الأصوات و التأثيرات اللي ممكنة على صوت جيتارك عشان تطلع أي صوت نفسك فيه من غير ما تصرف في Amp ولا pedals or effects.

البرنامج اللي هيستخدمه المزيكاتي في كل الكلام ده هو ال BIAS, و هنشوف منه نوعين:

1- ال BIAS FX (Amp with Pedals), و في النوع دي هتتصرف في كل ميللي في الصوت و تعالجه و تشكله بأي طريقة انت عايزها مع الاحتفاظ بالطرق المعروفة عشان متعملش خلل في الصوت.

2-  ال BIAS AMP (Amp simulator), فقط و ده بيساعد انك تشوف تون جيتاراك و صوته من خلاال السماعات دي من غير ما تحط pedals على الصوت.

1- لو هنستخدم ال BIAS FX (Amp witfh Pedals):

ال Chain بتاعة التوصيلات بيكون ليها أسس متجربة في كتب و مراجع عشان تعرف ايه اللي يتحط الأول و ايه يتجط في الاخر.

أولا ال pre-amp pedals: و دي بتاخد الصوت و تشكله قبل ما يعدي على ال Amps زي ال compressor و ال overdrive و  ال boost، و طبعا قبل كل دول لازم يكون في gate عشان تظبط الكهرباء و ميحصل خلل.

ثانيا ال Amps: و هنا مرحلة دخول الصوت على السماعات، فب الاغلب بتكون سماعتين و بتقدر تظبط درجة ال 1&2 منهم و تحدد انت هتشتغل ازاي، و بتقدر تشوف مكان المايك المفترض فين بالظبط على الamp اكنك بتسجل في الحقيقة عشان تعرف انهي حتة في ال amp تطلعلك صوت احسن و تحط المايك فين بالظبط بالنسبة ليها، و ده كله بتعمله على الكومبيوتر بتاعك في ثواني.

بعدين الصوت بيخش على ال Mixer عشان يجمع كل الكلام ده و يخرجه كحاجة واحدة، يعني من الاخر ياخد من السماعتين و يدي في line واحد.

ثالثا ال Additional pedals: و هنا بتحط الزوايد على الصوت زي ال delay و الreverbعشان تدي إحساس التسجيل في hall او room.

دلوقتي تقدر تطلع صوت قوي و تقدر تلعب فيه و تغيره و تبدل ال effects و تتشقلب يعني في الصوت براحتك و كل ده بدوسة واحدة.

2- لو هنستخدم ال BIAS AMP (Amp simulator):

 و هنا هتلاقي اختيارا كتير لل amps زي ال clean, crunch, acoustic, metal, blues, bass, or custom و هنا ممكن تعمل انت على مزاجك.

هتمر برده بمراحل في ال amp بس هنا بتوسع اكتر جوا ال amp زي ال power amp و ال tubes و هتعرف تحدد ال set بتاعتك سواء انت عايز تعملها او تختار من المقترحين اللي ممكن يساعدوك في البداية لغاية لما تفهم اكتر في البرنامج و تعرف تتحكم فيه.

اخر و اهم حاجة في ال amp simulator هي الamp match و دي خاصية جامدة جدا تقدر تخليك تشغل الاغنية و تعمل matching ليها للصوت عن طريق ال amp.

استنى مخلصناش!✋.. البرامج اللي هتستخدمها ك plugins بتكون بفلوس و مش كتيرة بالنسبة للسماعات و البدالات و كل الحوارات الكتير دي .

طب المزيكاتي يساعدك ازاي اكتر ؟؟😉

المزيكاتي عامل هدية لكل اللي بيتابعوه و بيشتغلوا على التون بتاعهم و حاطط البرامج اللي استخدمها دي في ال description بدل ما تفضل تدور عليها كتير و ببلاش !!! 💥💓

 

شوف الفيديو للاخر عشان تعرف اكتر و تشوف الكلام ده على ارض الواقع و تسمع و تقارن بنفسك و كمان تاخد هدية المزيكاتي. 😉✌

أِشــــــــــوفــــــــكــــــــــــم بــــــــــعــــــديــــــــن

تابع المجلد الاول
https://bit.ly/3gN792t

تابع المجلد الثالث
https://bit.ly/3ekZaYK

#الحلقة الرابعة 

#المزيكاتى #البحث_عن_الصوت_الذهبى #elmazekaty #jamesmassi #bias #biasfx #bias_amp 

#كيفية_ضبط_البيك_اب #جيتار #كيف #جيتار_اليكتريك #المزيكاتى #جيمس_ماسى #كيوبيز #فيندر #تعليم #تصليح #الصوت_الذهبى #الحلقة_الاولى #حلقات #موسيقى #صوت #هندسة_صوت #ضبط_صوت_الجيتار
#تعلم_الجيتار #elmazekaty