ازاى اسجل بال Amplifier | المزيكاتى

و بعد طول انتظار أخيرا وصل الجزء الثالث و الأخير من حلقة التسجيل 💥

في الجزء ده المزيكاتي هيشرح ازاي تقدر تسجل بالطريقة المكلفة اكتر و الاقدم في التاريخ و هي التسجيل من السماعات ( Amplifier).

ليه طيب الطريقة دي مكلفة اكتر من اللي فاتوا؟

- أولا عشان سعر السماعات مبيكونش قليل عشان تقدر تجيب حجاة كويسة و تطلع صوت حلو.

- ثانيا محتاج كمان تشتري مايكات عشان تاخد الصوت من السماعة و هنشرح بالتفصيل ازاي.

- ثالثا و دي حاجة اختيارية بس مهمة، انك تشتري حاجات تعزل الصوت عشان لو انت مكانك ضيق او عندك جيران و مش هتعرف تعلي الصوت.. زي مثلا ال room acoustic.

يلا بينا بقى نشوف التفاصيل:

مبدأيا المزيكاتي في الحلقة دي بيستخدم سماعات orange dual terror ، و مايك SE و المايك ده بالزات بيستخدم لتسجيل الالات اكتر.

في شوية tips كدة محتاج تعرفها عشان تقدر تسجل من السماعات.

1- لازم تكون على مستوى اعلى من الأرض.

2- و لو ظهرالسماعة متغطي هيديك صوت مختلف عن الصوت اللي بيطلع لو الظهر مفتوح .

3- ممكن تحط المايك في كل انحاء الأمب ، و لكن لازم تعرف ان كل منطقة بتدي صوت مختلف، هنا مثلا المزيكاتي بيفضل يحط    المايك بعيد بنسبة بسيطة عن وسط الكلونا عشان الصوت يكون مشtreble.

دي اهم النصايح و المعلومات المطلوب انك تعرفها لما تيجي تسجل من الأمب عشان تقدر تطلع صوت كويس.

طيب دلوقتي تعمل ايه لو توهت خالص ؟

المزيكاتي في اخر الحلقة هيوريك الفرق بين الثلاث طرق في التسجيل و اللي هما:

1-Multi effect

2- Audio interface and Plugins

3- Amplifier

طب في طرق تانية؟

طبعا كل يوم في اكتشافات اكتر عن التون و التسجيل الاحسن.

واحدة من الطرق دي على سبيل المثال انك تسجل من السماعات من غير مايكات و كمان الصوت يطلع نضيف من غير أي دوشة، يعني من الاخر الأمب بتتوصل ب usb بالكومبيوتر و جواها كارت صوت يحسن الصوت.. كل اللي عليك تعمله انك توصل و تسجل على طول.

كمان السماعات دي فيها effects كتير هيخليك مش محتاج تجيب multi effect ولا تيذل مجهود في انك تحط مؤثرات من الكومبيوتر و سعرها بيكون مناسب و ده بيخليك ممكن تبدأ بيها و تكون متكاملة من كل حاجة.

شركة Blackstar من اهم الشركات اللي بتعمل كدة على سبيل المثال في سماعات Blackstar ID core.

طيب انت كدة يا فنان معاك اغلب الطرق المفيدة عشان تطع التون الذهبي و وصلت لمرحلة كويسة جدا.
طب ايه اللي تعمله؟

متقلقش المزيكاتي مش هسيبك.. جرب كل الطرق و تابع كل جديد عشان تكمل المشوار مع المزيكاتي

اه و متنساش تبقى تشوف الهدايا 😉✌ 

أِشــــــــــوفــــــــكــــــــــــم بــــــــــعــــــديــــــــن

تابع المجلد الثانى 
https://bit.ly/38OplpB
تابع المجلد الاول
https://bit.ly/3gN792t

#الحلقة الرابعة 

#المزيكاتى #البحث_عن_الصوت_الذهبى #elmazekaty #jamesmassi #bias #biasfx #bias_amp 

#كيفية_ضبط_البيك_اب #جيتار #كيف #جيتار_اليكتريك #المزيكاتى #جيمس_ماسى #كيوبيز #فيندر #تعليم #تصليح #الصوت_الذهبى #الحلقة_الاولى #حلقات #موسيقى #صوت #هندسة_صوت #ضبط_صوت_الجيتار
#تعلم_الجيتار #elmazekaty