ازاى تتون جيتارك من المسطرة ؟ | المزيكاتى

دوزان يا عم😂

المزيكاتي رجع تاني💥

اهلا بيكم من جديد.. موضوع الحلقة الخامسة من التون الذهبي هو موضوع بسيط جدا بس ساعات اغلب الناس اللي مش مبتدأين كمان مبياخدوش بالهم منه.

- طيب ايه الموضوع ده؟؟

 هو ازاي تظبط تون الجيتار نفسه.. ازاي تتون الجيتار من الاخر بطريقة صح.

استنى متمشيش.. عارف انه حاجة بدائية بس صدقني مش هقولك بالطريقة التقليدية عشان و انت بتلعب متلاقيش نفسك فجأة خرجت عن التون رغم انك متون الجيتار.

اهدى كدة عليا و تعالى نتفق على شوية قواعد الاول.

1- الاوتار بيبقى ترتيببها من فوق لتحت (مي،لا،ري،صول،سي،مي) يعني (EADGAB).

2- السلم الموسيقي اللي عارفينه من ايام المدرسة و هو سلم الدو بيكون (دو،رى،مي،فا،صول،لا،سي) يعني (CDEFGAB)

3- انت تقدر تلعب السلم على اي وتر لوحده..كل ما بتمشي خانتين او خانة .. خطوة او نص خطوة.، انت كدة بتنتقل للنوتة اللي بعد النوتة بتاعت الوتر نفسه.

-طيب يعني ايه الكلام ده بالراحة؟!

يعني مثلا هناخد اول وتر و هو وتر ال E او ال مي، و هنمشي خانتين يعني هنقف في الخانة التانية في رقبة او مسطرة الجيتار.. يبقى النوتة دي ايه؟

صح كدة هتبقى فا او يعني F.

خليك ماشي كدة لغاية لما توصل للخانة 12 و المفروض تديك مي او E برده.. يعني انت لما تظبط الجيتار من فوق و يكون متتون و تمام.. المفروض لما تقف على نفس الوتر في خانة مختلفة تديك نفس النوتة اللي المفروض تاخدها.

-طيب لو ده محصلش؟!

يبقى انت يا معلم ظابط الجيتار من فوق بس مش من تحت كمان.

- تحت؟؟!

ايوة مش قلتلك دي حاجة مهمة و الكلام عنها نادر جدا؟!

ركز معايا بقى.. في جيتارات ال Stratocaster shape، بيبقى فيها كدة شوية مسامير في البريدج اللي ماسك الاوتار من تحت.

كل اللي هتعمله انك هتجيب مفك و تلف المسمار اللي عند الوتر ده لغاية لما التون يظبط.

طيب لو انت ودنك مش موسيقية اوي و عايز تلف صح؟!

بسيطة اوي.. لو الوتر زايد لف عكس عقارب الساعة، لو الوتر خاسس لف مع عقارب الساعة.

يعني من الاخر انت مش محتاج غير مفك و تيونر و تظبط الاوتار بالظبط عشان لما تيجي تلعب مي مثلا على الوتر الاول بس في الخانة 12 على حسب ال octave متبوظش منك.

طيب الكلام ده بالنسبة لل Stratocaster، لو انت بقى جيتارك Les Paul تعمل ايه؟!

هتعمل نفس الكلام في البريدج التاني من تحت اللي فيه نفس المسامير زي ما هتشوف في الصورة بالظيط.

بس كدة موضوع الحلقة خلص بكل سهولة و سلاسة

تعالى بس هنا متمشيش هنتكلم في كام حاجة جديدة بالنسبة للمزيكاتي:

1- لوجو المزيكابت نزل على تيششيرتات و تقدر تشتريها و تشجع البرنامج انه يكمل اكتر.

2- ال blog هنا هيبقى بيغطي حلقات المزيكاتي و شوية تفاصيل زيادة عشان تحب تقرأ و تعرف اكتر.

3- المزيكاتي هيبدأ دروس بالعربي بطريقة جديدة و خفيفة لطيفة كدة مش تقليدية عشان كل اللغبطة اللي بتحصل لما الناس متعرفش تتعلم منين بطريقة سريعة مش نمطيبة وبالعربي.

4- المزيكاتي قريب هيبدأ سلسلة جديدة للتحليل الموسيقي و يوريكوا بيمسع المزيكا و يفصصها ازاي و بعدين يعملها بطريقته و تقولوا رأيكوا.. فمتنساش تقول في الكومنتات على الحلقة ايه الاغاني اللي تحب تسمعها.

5- سلسلة تجارب المزيكاتي هتكمل .. فقول ايه اللي عايز مراجعة ليه مثلا قبل ما تشتريه عشان تعرف المزايا و العيوب و تشتري احسن حاجة ليك بدل ما تفضل تايه.

كفاية كدة؟😁!

لسة يا عم ده احنا ديما بنقول ان دي لسة البداية😉✌.

أِشــــــــــوفــــــــكــــــــــــم بــــــــــعــــــديــــــــن 👋

#المزيكاتى #ظبط_الجيتار #تتوين_الجيتار #مسطرة_الجيتار #الاوتار #jamesmassi #elmazekaty