كارل مارتن

كارل مارتن

شركة كارل مارتن هي شركة دينماركية ابتديت عام 1990، في اول الطريق ابتدت الشركة في تصنيع معدات الاستوديوهات كاول مشارعها.
كان مأسسي الشركة اللي هذكراسماهم قدام، مهتمين جدا بالجودة العاليا و المنافسة بين شركات تصنيع معدات الاجهزة الصوتية
الخاصة بالاستوديوهات.
لكن المفاجاه حصلت اول ما اتطلب من مهندسي الشركة انهم يبنوا سماعة للبيز جيتار لاحد اصدقائهم.
خدوها تحدي و عملوا الامب اللي حاز على اعجاب صاحب الامب و كمان ناس تانية كتير من عازفي البيز جيتار، دى كانت نقطة تحول كبيرة لفريق العمل من مصنعي لاجهزة الاستوديوهات الي مصنعين سمعات لجيتار البيز، و مش هو دة التغير الوحيد للشركة، التغير التاني لما صنعوا اول بيدال جيتار اليكتريك سنة 1993 وهو

Hot Driven Boost

لما فريق العمل لقا استحسان عازفي الجيتار من المنتج بتعهم، قرروا يضورو على موزعين معتمدين علشان يساعدهم فى نشر المنتج بشكل دولي.
قدم احد اعضاء فريق عمل كارل مارتن سورين يونجبيرج وهو المؤسس الرئيسي للشركة اقتراح انهم يروحوا المانيا يعرضوها على موزع معتمد هناك، راحوا فعلا و عجبت الراجل الموزع المعتمد الفكرة و كمان عملوا لقاء صحفي فى الرحلة دى مع جريدة من اكبر الجرايد فى اللمانيا و هى Fachblatt

احد المقالات اللي مكتوبة عن اول بيدال للجيتار يعملوه، اللي كان الانطلاقة الاولي لشركة كارل مارتن فى الاسواق المحلية و العالمية.
و ابتدت بعدها رحلة البحث عن التون الذهبي للشركة و توالت صناعات البيدالز اللي كان ليها شكل مميز و كمان صوت مميز من خلاله وصلت الشركة بيه للعالمية.

اعضاء شركة كارل مارتن

كارل مارتن: وهو الشخص صاحب الفكرة و صاحب الصنعة اللي كان بيصنع البيدالز بنفسة اللي الشركة اتسمت على اسمة.
سورين يونجبيرج: وهو العقل المفكر و المحرك للشركة الي من خلالة الشركة كبرت و بقا ليها باع كبير عالميا

كارل مارتن شخصيا

سورين يونجبيرج في صورة تذكارية مع منتجات الشركة

وبسبب فكر الشركة فى المراحل الاولي ديما كانوا حريصين انهم يصنعوا بيدال بجودة عاليا و تكون قريبة جدا من معدات صوت الاستوديوهات، لقت الشركة نجاحات متتالية و بقا عندهم قائمة عازفين كبيرة بتحب منتجاتهم، وفى احد اللقائاتي مع سورين ذكر ان احد البومات فرقة Aerosmith متسجلة كلها بمنتجاتهم من البيدالز

لقت استحسان كبير جدا من قائمة محبي و مقتني البيدالز العالميين وقائمة شركة كارل مارتن الخاصة اللي منهم واحد من اعظم عازفي الجيتار فى العالم و هو Andy Timmons
اللي بضورة قام بتعديل و اعادة هيكلة بيدال خاص بيه شخصيا ماذال بيستخدمة الي الان

البيدالز الخاصة ب Andy Timmons

البيدال لقت استحسان قوي جدا من عازفي الجيتار و مقتنين البيدالز بما فيهم انا شخصيا، حبيت صوت البيدالز دى جدا، وعملت عليها فيديوا خاص للشركة.

استمرت الشركة في صنع البيدالز و كمان الامبات كان ليها نصيب انهم يصنعوها وعملوا منها نوعين للجيتار و نوع للبيز جيتار، الي ان جائت لحظة انفصال كارل مارتن عن الشركة وقرر انة يسيب الشركة.

قدرت الشركة بعد خصارتها لاحد اهم اعضائها و ماسسها انها تقف على رجلها و تكمل المشوار في انها تصنع البيدالز بشكل جديد و
خدمة عازفيها و عشاق بيدالز كارل مارتن.

تصميمات الشركة الجديدة

كان ليا نصيب و حظ كبير اني اعمل حوار مع سورين يونجبيرج وتناولت معاة اسالة و احداث كتير جدا فى حديثي معاة على الزووم
خش شوف الحلقة دي علشان تعرف اكتر عن شركة كارل مارتن
و اول ظهور لبيدال OTTAWA على السويشيال ميديا قبل متنزل السوق العالمية كمان