دروس المزيكاتى

مقدمة

طبعا مش هقلك تمسك الجيتار ازاى و تقعد ازاى و ازاى تمسك ريشة الجيتار والكلام اليى ديما بشوفوا فى كل كتب تعليم الجيتار وكأن الناس مش عارفة او مشفتش الناس وهى بتعزف قبل كده!

 على العموم انا واثق فى كل الناس البتابعنى انها عارفة كويس الحاجات دى ومش بعيد كمان يكونو عدو مرحلة المبتدأ بكتير، ولكن فى  بعض النقط اليى لازم اوريهالك بالصور او الفيديو لطرق معينة انا بحب استخدمها زى مثلا طريقتى فى مسكت الجيتار و ريشيت الجيتار، ودة طبعا مش علشان حضرتك مشبتمسك ريشة الجيتار كويس ولكن دى ترقتى الخاصة اليى احب اوريها لكل الناس اليى حبة تتعلم معايا.

 فى دروس المزيكاتى هقسم الحصص الى تمارين و مقاطع  اليى هتتدرج صعوبتها تدريجيا  فى كل مرحلة، وهيكون فى فيديوا خاص بيتبعت لكل الناس المشاركة بالايميل كل اسبوع تمرين خاص بعزفه يوميا سواء تمارين من تاليفى الشخصى او تمارين واخدها من  عازفين او كتب موسيقية لو عاوز تشارك من ضمن الناس المشاركة بالايميل خش ابعت رسالة على الاميل دة elmazekty.jm@gmail.com

 فى دروس المزيكاتى مش هيكون فيها كلام هيكون فيها فيديوهات وتدريبات فقط، اشترك فى الاميل الخاص بالمزيكاتى دلوقتى علشان يوصلك كل اسبوع فيديوهات قيمة وتمارين بتستهدف دقة الاداء اكتر.

متاح الان

كتاب تمارين من الجحيم الجزء الاول
النسخة الاليكترونية 
ثمن الكتاب 200 جنيه مصريا فقط
يرجى التواصل للحصول على الكتاب

The Complete beginner bundle | Guitar Course 

محتوى جديد بيقدموا المزيكاتي، كورس تعليمي مجاني للمبتدأ اللي هيساعد بشكل كبير و ملحوظ فى مستويات معرفتهم و عزفهم.
المحتوى مقدم من برنامج المزيكاتي و رعاية All Egyptian Guitarists لتقديم المحتوى الراقي و المناسب لكل اعضاء الجروب و غيرهم بمناسبة احتفال الجروب بمرور عشر سنوات و الوصول الي ثمان الاف مشارك.


كل حصة هنتعلم فيها حاجة صغيرة جديدة، زى الاشكال الايقاعية، ازاى نعرف نقرا التابس و حجات تاعني كتير خاصة بالنوتة الموسيقية و طرق فك شفرتها.
وكمان هيكون في كل حصة تمارين جديدة باشكال ايقاعية مختلفة، فى مجلد المزيكاتي هتلاقي كل يوم ثلاثاء التمرينات الجديدة بتاعت الحصة السابقة علشان تتمرن عليها كويس.
الكتاب كمان متوفر كامل بس بسعر رمزي عن طريق خدمة فودافون كاش فقط ب 50 جنية.
الكتاب متوفر فية التمارين + فيلات برنامج جيتار برو اللي هتسعدك بشكل كبير جدا جدا انك تتقن التمارين بشكل محترف، وكان معاك James بشكل شخصي.

انتظر يوم الثلاثاء التمارين الخاصة بالكورس الجديد
اما التمارين اللي متواجدة تحت دى تمارين متقدمة لمستويات متوسطة و اعلى ارشحهملك انك تجرب فيهم هيسعدوك برضوا.

تمارين متنوعة

المستوى الاول 

التمرين الأول

هشاركم تمرين واحد من التمارين الكتير اليى بعزفها يوميا، انا مسمية بنج بونج هتعرف لية انا مسميه كدة اما تشوف الفيديو، التمرين دة اتعلمتو من عازف جيتار من الارجنتين جة عندنا فى الكلية تربية موسيقية يعمل ورشة عمل للجيتار، ومن ساعتها حافظ التمرين دة وبشتغل علية كل يوم تقريبا.

اعزف التمرين دة يوميا اول اما تصحى من النوم مباشرتا، خلى ديما اول حاجة ايدك تمسكها هى الجيتار، مش التليفون او..................

التمرين الثانى

التمرين دة واخدو من كتاب جون بيتروشى، اليى لقيتو برضو واخدو من أستاذ لية تانى ، التمرين دة هيسعدك انك تتنقل من الاوتار بكل اريحية ، اعزف التمرين دة على كل المسطرة وركز فى تفاصيل اليد اليمنى

التمرين الثالث

التدريب دة هيسعدك انك تفصل كل صوابعك الاربعة بشكل عرضى بالتحديد الصوباع الرابع و الثالث، اعزف التدريب دة على المسطرة كلها.

 

    

التمرين الرابع

تمرين الاسبوع دة عبارة عن تحدى لصوبعك انها تفصل عن بعض افقيا، التمرين دة انا واخدو من اكادمى اسمها lick academy 

المستوى الثانى

فى المستوى التانى هنتعلم اشكال كتير من اشكال السلالم الموسيقية هنبتدى بسلم دو الكبير، او C Major

  لتحميل النوتة خش  هنا

عاوز تدريبات اصعب ابعتلى رسالة على ميل المزيكاتى قلى انك حابب تشترك معايا فى دروس المزيكاتى للمراحل المتقدمة

التمرين الخامس

 تمرين من التمارين الصعبة اليى اتعلمتوا من جون بيتروشى، تمرين مخصص ل اطالة صوابع اليد اليسرى

التمرين السادس
تمرين من التمارين القوية ال بتساعدك على التحكم فى سرعة الايدين مع بعض.

اعزف التمرين دة بشكل مستمر على سرعات مختلفة مع المترونوم

التمرين السابع

تمرين من التمارين اليومية الصعبة اللي بتعودك انك تعزف بين الاوتار بشكل داخلى او خارجى 

التمرين الثامن
تمرين جديد بتتعود فى على شكل جديد لمسكة ريشة الجيتار وهى طريقة مقلوبة علشان تسعدك على العزف السريع، فى التمرين دة بعزف على وتر ال صول سلم دو الكبير. 
جرب اعزف التمرين على سرعات مختلفة.

التمرين التاسع

أشكال جديدة لسلم دو الكبير اللى ممكن تطبقها على اى سلم موسيقى كبير تانى، جرب تعزف الاشكال مع مترونوم وزود السرعة تدريجيا.
فى اخر الفيديو تمرين على سلم دو الكبير

المستوى الثالث

المستوى الثالث هنروح في جزء مختلف ومستوى صعوبة اعلى شوية هنتمرن على حليات او حيل بسيطة بيعزفها عازفين عالمين وحجات خاصة بيا بستخدمها فى معظم صولوهاتى.

الشكل الاول
الحيلة دى ستيل Blues Rock بيبتدى ب سحب الوتر و الشكل دة بيجمع بين السلم الكبير و الصغير بتغير ثالثة السلم على كورد الخامسة

حمل النوتة هنا

حمل النوتة على برنامج Guitar Pro 7 هنا

الشكل الثانى

شكل من الاشكال اللى عاملتها مخصوص لدروس المزيكاتى، الشكل دة تقدر تعزفو مع سلم لا الصغير بلوز، تقدر كمان تستخدمو كاحلية بين كوردات 

الشكل الثالث

شكل من الاشكال اللى بتستخدم فى البلوز وفيها نغمات معينة مديلها طابع Mixolydian

 الشكل الرابع

شكل جديد من اشكال اللى بتستخدم فى ال Blues Rock, Country 
اعزف الشكل دة على سرعات مختلفة

الشكل الخامس
تمرين من التدريبات الصعبة واخد شكل ال X  حاول تعزف التدريب بسرعات بطيئة لحد ماتوصل للسرعة الاصلية

التمرين بزمن ابطأ

شاهد

احدث الاصدارات

الحلقة الجديدة

عاوز تسمع الالبوم مجانا خش هنا

Anghami  
Amazon play 
Spotify 
iTunes 
Direct from my website