ازاى اسجل جيتار اكوستك | المزيكاتى

 

ايوه يمعلم جيبت مايك جديد و عاوز تجربوا محدش قدك يعم 😁

ناس كتير سالتنى اسجل جيتار اكوستك بمايك وال وصلة احسن؟

ناس بتحب توصل الجيتار بكابل وناس تانى لا ، مين فيهم ال صح!

اولا المايك
 لازم تكون عارف ان المايكات ليها نوعين مايك كوندنسر و مايك داينامك، فى الفيديوا استخدمت مايك كوندنسر لانو بدى للجيتار مساحة اعرض من المايك الديناميك عاوز تعرف اكتر عن المايكات خش هنا شوف المقال دة 
لازم تحط المايك فى زاوية معينة علشان يلقط الصوت الصح وهى زاوية 45 من عند الدستان رقم 12 بكدة يكون لاقط مساحة كبيرة من الجيتار مسطرة الجيتار و صندوق الجيتار

زى المثال ال فى الصورة اماكن تواجد المايكات و الفرق بينها، كل منطقة ليها مساحة صوتية محددة ، فى الفيديوا استخدمت طريقة Natural
وهى واحدة من اشهر الطرق المستخدمة ، وفى طريقة تانية بيستخدموا نوعين مايكات مختلق فى المنطقة Natural, Mellow
او Natural, Natural

فى الحالتين دول بيكون عندك مساحة صوتية للجيتار اكبر وخاصتا لو عملت كل مايك فيهم فى سماعة مختلفة فى المكس بتاعك

ثانيا الوصلة

لازم تكون عارف ان مع استخدامك للوصلة بيكون برضو فى مايك بس جوا الجيتار من جوة

المايك فى الاغلب بيكون نوعوا fishman

مع الاسف مكان المايك بيكون فى مكان ثابت مبيديلكش حرية انك تغير الصوت اللى طالع من الجيتار وكمان بيكون صوتوا محدود مش عريض زى المايك الخارجى ، بس الميزة فى المايك الداخلى انك ممكن تعزف بية فى حفلة من غير مشاكل وبيكون اسهل فى الحركة فى اى مكان على خشبة المسرح.

اما منراى الشخصى فانا بحب استخدم مايك خارجى قدام الجيتار خصوصا فى التسجيل لان صوت الجيتار بيكون مساحتوا اكبر وبيطلع تفاصيل صعب الوصلة توصلوا.

خش اتفرج على الحلقة وشاركنا رايك لانوا يهمنا